वर्षाच्या अखेरच्या महिन्यात Marutiचं छप्परफाड डिस्काउंट! कोणकोणत्या कारवर सूट?

सर्वात मोठी सूट लोकप्रिय हॅचबॅक मारुती वॅगन आर वर उपलब्ध आहे. जिथे ग्राहक ₹58,100 पर्यंतच्या ऑफर्सचा लाभ घेऊ शकतात. या कारची एक्स-शोरूम किंमत ₹4.98 लाख पासून सुरू होते आणि टॉप व्हेरिएंटसाठी ₹6.94 लाख पर्यंत जाते. याव्यतिरिक्त, कंपनीच्या सर्वाधिक विक्री होणाऱ्या छोट्या कारपैकी एक असलेल्या स्विफ्ट हॅचबॅकवर ₹55,000 पर्यंतच्या आकर्षक ऑफर्स देण्यात येत आहेत, ज्याची एक्स-शोरूम किंमत ₹5.78 लाखांपासून सुरू होते.

लहान आणि परवडणाऱ्या कार विभागात, Maruti Alto K10, Maruti S Presso, आणि Maruti Celerio वर ₹52,500 पर्यंत बचत करू शकतात. Alto K10 (किंमत ₹3.69 लाख ते ₹5.44 लाख) आणि एस-प्रेसो (किंमत ₹3.49 लाख ते ₹5.24 लाख) या देशातील सर्वात परवडणाऱ्या कार आहेत आणि या ऑफर्समुळे त्या ग्राहकांना आणखी परवडणाऱ्या होतात. सेलेरियोची एक्स-शोरूम किंमत ₹4.69लाख ते ₹6.72 लाखांपर्यंत आहे.

कॉम्पॅक्ट युटिलिटी व्हेईकल सेगमेंट (SUV आणि सेडान) बद्दल बोलायचे झाले तर, कॉम्पॅक्ट SUV मारुती ब्रेझा ₹40,000 पर्यंतच्या ऑफर्ससह उपलब्ध आहे. ज्याची एक्स-शोरूम किंमत ₹8.25 लाखांपासून सुरू होते. लोकप्रिय कॉम्पॅक्ट सेडान मारुती डिझायर ₹12,500 पर्यंतच्या ऑफर्ससह देखील उपलब्ध आहे, ज्याची एक्स-शोरूम किंमत ₹6.26 लाख ते ₹9.31 लाखांपर्यंत आहे.

बजेट MPV (मल्टी-पर्पस व्हीकल) Maruti Ertiga या महिन्यात सर्वात कमी ₹10,000 पर्यंतची बचत देते आणि ही ऑफर फक्त रोख सवलत म्हणून उपलब्ध आहे. एर्टिगाची एक्स-शोरूम किंमत ₹8.80 लाख ते ₹12.94 लाखांपर्यंत आहे. या सर्व ऑफर्स रोख डिस्काउंट, एक्सचेंज बोनस आणि अतिरिक्त डिस्काउंटच्या स्वरूपात दिल्या जात आहेत, म्हणून ग्राहकांनी अचूक माहितीसाठी त्यांच्या जवळच्या एरिना डीलरशिपशी संपर्क साधावा.