IAS होण्याचं स्वप्न पाहिलं अन् खासगी नोकरी सोडली, वाचा इंजिनिअर आयुषी जैन यांची प्रेरणादायी कहाणी

मुंबई : प्रत्येक यशामागे संघर्षाचे विविध टप्पे असतात. केंद्रीय लोकसेवा आयोग अर्थात यूपीएससीमार्फत दरवर्षी आयएएस, आयपीएस, आयएफएस यासह भारतातील नागरी सेवांमधील विविध महत्त्वाच्या पदांसाठी योग्य उमेदवाराची निवड करण्यासाठी नागरी सेवा परीक्षा घेतली जाते. या परीक्षेत यशस्वी होण्याचं स्वप्न अनेकाचं असतं. पण ते स्वप्न पूर्ण करणाऱ्यांचं प्रमाण खूपच कमी आहे. या परीक्षेत अपयश आल्यानंतर अनेकजण दुसरा मार्ग स्वीकारतात. पण आयुषी जैन गुरधानी यांनी यूपीएससीमध्ये दोनवेळा अपयश आल्यानंतरही निराश न होता, पुन्हा ही परीक्षा दिली, व यश मिळवलं. चला तर, आयएएस आयुषी जैन गुरधानी यांच्या प्रेरणादायी प्रवास जाणून घेऊ.