मामाचं कृत्य जिव्हारी लागलं, डोंबिवलीत कॉलेजच्या तरुणीनं 11व्या मजल्यावरून मारली उडी, खळबळजनक घटना

ठाणे: ठाणे जिल्ह्यातील डोंबिवली परिसरात एक खळबळजनक घटना घडली आहे. इथं एका महाविद्यालयीन तरुणीने अकराव्या मजल्यावरून उडी मारून आत्महत्या केली आहे. आत्महत्येची ही घटना उघडकीस येताच परिसरात खळबळ उडाली आहे. या प्रकरणी मानपाडा पोलीस ठाण्यात अपघाती मृत्यूची नोंद करण्यात आली आहे. पीडित तरुणी रात्री उशिरा मोबाइलवर बोलत बसली होती. यावेळी मामाने तिचा फोन काढून घेतला, या कारणातून तिने आत्महत्या केल्याची प्राथमिक माहिती समोर आली आहे. घटनेचा पुढील तपास केला जात आहे.