Thane: सेमिनार, क्लासेस अन् पैसा डब्बल, ठाण्यात शेअर मार्केटच्या नावाखाली मोठा स्कॅम उघड

'माझं गाव हे सावंतवाडी आहे. या कंपनीच्या सागर किरवाडे आणि प्रिती राणे हे आम्हाला भेटले होते. त्यांनी दादर इथं आमचे क्लासेस असल्याचं सांगितलं होतं. मी दादरला आलो आणि त्यांच्या सेमिनारला आलो होतो. त्या सेमिनारमध्ये त्यांनी शेअर मार्केटमध्ये पैसे गुंतवल्यावर काही टक्के वाढवून पैसे देऊ असं आश्वासन दिलं होतं. त्यांनी ५ लाख रुपये साईन करण्यास सांगितलं होतं. ते ८ टक्के देणार होते. पण, माझ्या मित्रांनी सेमिनारला आले आणि त्यांनी पैसे गुंतवले होते, असं तक्रारदार सिद्धेश भाईडकर यांनी सांगितलं.

'प्रिती शेअर ट्रेडिंग अशी कंपनी आहे. ही कंपनी ट्रेडिंगचे क्लासेस घेत होती. कोरोनाच्या काळात बरेच लोक घरी बसलेली होती. या लोकांनी या कंपनीमध्ये बरेच पैसे गुंतवले होते. या कंपनीची प्रिती राणे हिने तिच्या भाच्याच्या खात्यात पैसे जमा करत होते. रोज शेअर मार्केटबद्दल खोटी माहिती देत होते, या कंपनीने ५०० पेक्षा जास्त लोकांना फसवलं आहे, असा आरोपी ॲडव्होकेट सचिन शेट्टी यांनी केला आहे.