Crime News: मित्राने गर्लफ्रेंडचा अर्धा बर्गर खाल्ला म्हणून आला राग, गोळ्या झाडून संपवलं

जीवाला जीव देणाऱ्या मैत्रिविषयी तुम्ही ऐकली असेलच असेल मात्र जीव घेणारी मैत्री खूपच भयंकर असते. सध्या समोर आलेली ही घटना अशीच काहीशी आहे, मैत्रित जीव दिला नाही तर घेतला. डॅनियल नावाच्या मुलानं त्याच्या आणि गर्लफ्रेंडसाठी बर्गर ऑर्डर केला होता. तेवढ्यात मित्र अलीनं डॅनियलची गर्लफ्रेंडचा अर्धा बर्गर खाल्ला. यावरुवन दोघांमध्ये वाद झाला. वाद एवढा वाढला की, डॅनियलनं अलीवर गोळी झाडली. पोलीस अधिकाऱ्यांनी या प्रकरणाचा तपास केला असता हा धक्कादायक प्रकार समोर आला.

ही घटना निवृत्त वरिष्ठ पोलीस अधीक्षक (एसएसपी) नजीर अहमद मीर बहार यांचा मुलगा डॅनियल नजीर मीर याने घडवली आहे. डॅनियलची मैत्रीण त्याला भेटायला येत असताना हा वाद झाला. पीडित 17 वर्षांचा मुलगा असून त्याचे वडील कराची जिल्हा दक्षिण सत्र न्यायाधीश आहेत. या घटनेची संपूर्ण कहाणी एका यूजरने Reddit वर शेअर केली आहे.