हनिमून ठरला नरक! धावत्या ट्रेनमधून ढकललं बायकोला, नवरा झाला गायब, पण आता...

खुशबू एका नाल्यात पडली. तिच्या शरीरातून रक्त वाहत होतं आणि ती वेदनेने किंचाळत होती. तिची बरगडी मोडली होती आणि पायांनाही गंभीर जखमा झाल्या होत्या. नशिबाने, काही वेळाने किरिगरहा गावातील काही लोक तिथून जात होते. त्यांनी खुशबूला नाल्यात पडलेलं पाहिलं आणि क्षणाचाही विलंब न लावता रेल्वे प्रोटेक्शन फोर्स (RPF) ला माहिती दिली. RPF चे कर्मचारी आकाश पासवान यांनी तात्काळ 108 रुग्णवाहिकेला बोलावले.

खुशबूला आधी पातराटू येथील सामुदायिक आरोग्य केंद्रात नेण्यात आलं आणि तिथून प्राथमिक उपचारानंतर रामगढ सदर रुग्णालयात पाठवण्यात आलं. डॉक्टरांनी तिची प्रकृती खूप चिंताजनक असल्याचं सांगितलं आणि तिला तातडीने आयसीयूमध्ये दाखल करण्यात आलं. तिचे प्राण वाचवण्यासाठी डॉक्टर्स शर्थीचे प्रयत्न करत होते. जेव्हा खुशबूला शुद्ध आली, तेव्हा तिने पोलिसांना घडलेला सर्व प्रकार सांगितला. शंकर गोरखपूरचा असून, एक वर्षापूर्वीच तिने त्याच्याशी लग्न केल्याचं तिने सांगितलं. पण आता तिला आपल्या या निर्णयाचा खूप पश्चात्ताप होत होता. पोलिसांनी खुशबूचा जबाब नोंदवून शंकरचा शोध सुरू केला आहे. लवकरच त्याला अटक करण्यात येईल, असं पोलिसांनी सांगितलं आहे.