Jalgaon Crime News : खबरी की ड्रग्ज तस्कर? दुबईतील आरोपीसोबत जळगावातील पोलिसाचे 300 हून फोन कॉल

विजय वाघमारे, प्रतिनिधी, जळगाव : जळगाव स्थानिक गुन्हे शाखेतील (एलसीबी) पोलिस उपनिरीक्षक दत्तात्रय पोटे यांचे एमडी ड्रग्ज प्रकरणातील फरार संशयिताशी तब्बल 352 वेळा मोबाईलवर संवाद झाल्याचे समोर आहे. ही माहिती समोर आल्यानंतर पोलीस दलात एकच खळबळ उडाली आहे. पीएसआय दत्तात्रय पोटे यांच्याविरोधात शहरातील एमडी ड्रग्ज साठा प्रकरणातील फरार आरोपी व सध्या दुबईमध्ये असल्याचा संशय असलेल्या अरबाजशी वारंवार संवाद झाल्याबाबत तक्रार प्राप्त झाली होती. पोलीस तपासात त्यांच्यात 352 वेळा फोनवर संपर्क झाल्याचे निष्पन्न झाले.