'दादांनी कधीच त्या गोष्टींची दवंडी पेटली नाही'; बॉलिवूडच्या खलनायकानं समोर आणली दादा कोंडकेंची कधीच समोर न आलेली बाजू

मुंबई, 03 ऑगस्ट :  मराठी सिनेमातील विनोदाचा सम्राट अशी ओळख कमावलेले अभिनेता, दिग्दर्शक दादा कोंडके. गुडघ्यापर्यंतच्या चड्डी, लोंबणारी नाडी, त्यावर हाफ हाताचा कुर्ता, केसांचा पैलवान कट, बारीक मिशी या रूपातील रांगडा नायक दादा कोंडके यांनी मोठ्या पडद्यावर साकारला आणि मराठी सिनेसृष्टीत हिट करून दाखवला. केवळ मराठी नाही तर हिंदी कलाकारांच्या मनावरही दादांनी राज्य केलं आहे. दादा कोंडके यांचा सिनेमा प्रदर्शित होणार म्हटलं की बॉलीवूडच्या भल्याभल्या निर्मात्यांनाही धडकी भरायची. दादांचा सिनेमा एकदा का थिएटरला लागला की तो किमान 25 आठवडे काही उतरायचा नाही हे समीकरण ठरलेलं होतं.  बॉलीवूडमधील नायकच नव्हे तर खलनायकही दादांच्या अभिनयावर फिदा होते. दादांना मानणाऱ्या लोकांची संख्याही प्रचंड होती.  दादा कोंडके यांची येत्या 8 ऑगस्टला 91 वी जयंती आहे. या निमित्तानं बॉलिवूडचे प्रसिद्ध खलनायक शक्ती कपूर यांनी दादांची फार कधी समोर न आलेली बाजू सर्वांसमोर आणली.