'धुरंधर'च्या तुफानामुळे 'इक्कीस'ने घेतला काढता पाय! थेट फिल्मची रिलीज डेटच बदलली, कधी येणार थिएटरमध्ये?

मुंबई: सध्या बॉक्स ऑफिसवर एकाच नावाचा बोलबाला सुरू आहे, आणि ते नाव म्हणजे रणवीर सिंगचा 'धुरंधर'! या चित्रपटाने चित्रपटगृहात असा काही भुकंप आणला आहे की, मोठमोठ्या निर्मात्यांना आता आपल्या चित्रपटांच्या तारखा बदलण्यासाठी विचार करावा लागत आहे. या 'धुरंधर' वादळाचा पहिला फटका बसला आहे तो म्हणजे अमिताभ बच्चन यांचा नातू अगस्त्य नंदा आणि दिग्गज अभिनेते धर्मेंद्र यांच्या बहुप्रतिक्षित 'इक्कीस' या चित्रपटाला. आधी हा चित्रपट २५ डिसेंबर २०२५ रोजी ख्रिसमसच्या मुहूर्तावर प्रदर्शित होणार होता. पण आता निर्मात्यांनी सावध पाऊल टाकत या चित्रपटाची रिलीज डेट पुढे ढकलली आहे.