येळकोट येळकोट, जय मल्हार! देवदत्त नागेने दिली आनंदाची बातमी, खंडोबाच्या चरणी उभारणार हक्काचं घर

देवदत्त नागे यांनी त्यांच्या इन्स्टाग्राम अकाउंटवर एक पोस्ट शेअर करत लिहिलं, “येळकोट येळकोट… जय मल्हार! श्री खंडेरायांच्या कृपेने, साक्षात श्री खंडेरायांच्या सान्निध्यात माझं स्वतःचं घर जेजुरीमध्ये... श्री खंडेरायाच्या चरणी माझी सेवा रुजू झाली हे माझे परम भाग्य.” या पोस्टसोबत त्यांनी भूमिपूजनाचा फोटोही शेअर केला आहे. या पूजनाला त्यांची बहीण आणि भावोजी उपस्थित होते. या बातमीमुळे त्यांचे चाहते खूप खूश आहेत आणि त्यांच्यावर अभिनंदनाचा वर्षाव करत आहेत.

देवदत्त नागे यांनी फक्त मराठीतच नाही, तर हिंदी आणि दाक्षिणात्य चित्रपटांमध्येही काम केलं आहे. नुकतेच ते ‘स्टार प्रवाह’ वाहिनीवरील ‘उदे गं अंबे’ या मालिकेतही दिसले होते. आता जेजुरीत घर घेतल्यामुळे त्यांना तिथे जास्त वेळ घालवता येईल, ज्यामुळे त्यांचे खंडोबावरील प्रेम दिसून येते.