Raavan Dahan : कंगना मोडणार 50 वर्षांची परंपरा; रामलीलामध्ये करणार रावणाचं दहन

मुंबई, 24 ऑक्टोबर : आज देशभरात विजयादशमीचा उत्साह सुरू आहे. देशातील विविध राज्यात विविध ठिकाणी रावणाचं दहन केलं जातं. दिल्लीतही दसऱ्याचा मोठा उत्सव असतो. दिल्लीतील रामलीला हा प्रमुख आकर्षणाचा विषय असतो. लांबून लांबून लोक रामलीला पाहण्यासाठी येत असतात. यंदाची रामलीला खूप खास असणार आहे. कारण यंदा रामलीला झाल्यानंतर महिलांच्या हस्ते रावणाचं दहन करण्यात येणार आहे. आणि हे दहन करणारी महिला दुसरी तिसरी कोणी नसून बॉलिवूडची पंगा गर्ल कंगना रणौत आहे. लव कुश रामलीला समितीचे अध्यक्ष अर्जुन सिंह यांनी ही माहिती दिली आहे. त्याचप्रमाणे कंगनानं देखील व्हिडीओ शेअर करत ही माहिती दिली आहे.