'मना'चे श्लोक'ला कोर्टाकडून हिरवा कंदील, मृण्मयी देशपांडेचा सिनेमा थिएटरमध्ये रिलीज

मुंबई : ऑक्टोबर महिन्यात रिलीज होणाऱ्या काही मराठी सिनेमांपैकी मनाचे श्लोक हा एक सिनेमा. या सिनेमाचा ट्रेलर रिलीज झाल्यानंतर या सिनेमाच्या नावावर आक्षेप घेण्यात आला.  राष्ट्रसंत श्री समर्थ रामदास स्वामी महाराज यांनी रचलेल्या 'मना'चे श्लोक' या पवित्र धार्मिक ग्रंथाच्या नावाचा वापर करून त्याच नावाने मराठी चित्रपटाची निर्मिती करणे हा हिंदूंच्या श्रद्धेचा बाजार मांडण्यासारखे आहे. चित्रपटाचे नाव तात्काळ बदलले नाही, तर हिंदू समाज रस्त्यावर उतरून आंदोलन करू आणि चित्रपट प्रदर्शित होऊ देणार नाही, अशी मागणी हिंदु जनजागृती समितीकडून करण्यात आली होती. कोर्टात याचिका दाखल करण्यात आली. यानंतर मनाचे श्लोक हा सिनेमा रिलीज होणार की याकडे सर्वांचं लक्ष होतं. दरम्यान कोर्टाकडून याचिकेवर सुनावणी झाली.