'लोक मला अंग्रेज का बच्चा म्हणायचे', जेव्हा स्वतःच्या रंगामुळे अभिनेत्याला करावा लागला संघर्ष
- Published by:Minal Gurav
Last Updated:
प्रसिद्ध अभिनेत्याने आपल्या गोऱ्या रंगामुळे आलेल्या अडचणींवर भाष्य केले. कुटुंबाच्या पार्श्वभूमीमुळेही अपेक्षा वाढल्या, तरी त्याने यश मिळवण्यासाठी प्रयत्न केले.
मुंबई : आपल्या असण्याबरोबर आपल्या दिसण्याचा आपल्याला गर्व असतो. पण आपलं दिसणं आपली अडचण ठरली तर? असंच काहीस झालं प्रसिद्ध अभिनेत्याबरोबर. अभिनेत्याच्या गोऱ्या रंगामुळे त्याला अनेक अडचणी आल्या. लोक त्याला स्वीकारायला नकार देऊ लागले. तो खरंच भारतीय आहे का यावरच प्रश्नचिन्ह उपस्थित केले गेले. नुकत्याच एक मुलाखतीत अभिनेत्यानं याबद्दल खुलासा केला.
बॉलिवूड अभिनेता नील नितीन मुकेश याच्याबद्दल आपण बोलत आहोत. त्याने अलीकडेच एका मुलाखतीत आपल्या करिअरच्या सुरुवातीला आलेल्या अडचणींवर भाष्य केले. 'थेरपी डायरीज' या प्लॅटफॉर्मवर बोलताना नीलने सांगितले की त्याच्या गोरा रंग आणि परदेशी दिसणाऱ्या चेहऱ्यामुळे लोक त्याच्याकडे वेगळ्या नजरेने पाहायचे.
advertisement
नील म्हणाला, “लोक मला म्हणायचे की मी इंग्रजांच्या मुलासारखा दिसतो.त्यामुळे मला हिंदी येते का असा प्रश्न त्यांना पडायचा. माझ्या हिंदीवरून ते माझी खिल्ली उडवायचे.”
कुटुंबाची पार्श्वभूमीसुद्धा बनली आव्हान
नील नितीन मुकेश हा पार्श्वगायक नितीन मुकेश यांचा मुलगा आणि दिग्गज गायक मुकेश यांचा नातू आहे. त्याचं म्हणणं आहे की, अभिनय क्षेत्रात पाऊल ठेवताना त्याच्या कुटुंबाच्या पार्श्वभूमीनेही लोकांच्या अपेक्षा आणि शंका वाढवल्या. "मी गायकाच्या घरातून आलो आहे. त्यामुळे लोक म्हणायचे, हा अभिनय कसा करेल? ही एक वेगळीच लढाई होती," असं तो म्हणतो.
advertisement
अभिनयाची आवड आणि प्रयत्न
नीलने 1988 आणि 1989 मध्ये ‘विजय’ आणि ‘जैसी करनी वैसी भरनी’ या सिनेमात बालकलाकार म्हणून काम केलं. त्यानंतर 2002 मध्ये 'मुझसे दोस्ती करोगे' या सिनेमात सहाय्यक दिग्दर्शक म्हणूनही काम केलं. 2007 मध्ये त्याने 'जॉनी गद्दार' सिनेमातून प्रमुख अभिनेता म्हणून पदार्पण केले. 2024मध्ये त्याचा 'हिसाब बराबर' हा सिनेमा रिलीज झाला.
advertisement
स्वतःवर विश्वास ठेवल्यामुळे यश मिळवले
नील म्हणाला, “मला काहीही करून ही संधी मिळवायची होती. मी भीतीला किंवा शंकेला माझ्यावर प्रभाव टाकू दिला नाही. पर्यायच नव्हता. मला माझं स्वप्न सत्यात उतरवायचं होतं.”
Location :
Mumbai,Maharashtra
First Published :
April 29, 2025 11:18 AM IST
मराठी बातम्या/मनोरंजन/
'लोक मला अंग्रेज का बच्चा म्हणायचे', जेव्हा स्वतःच्या रंगामुळे अभिनेत्याला करावा लागला संघर्ष
