Anchal Tiwari : 'पंचायत 2' फेम अभिनेत्री जिवंत! अपघातात जीव गमावल्याच्या बातमीवर सोडलं मौन

मुंबई : मंगळवारी 27 फेब्रुवारी रोजी सिनेसृष्टीतून एक वाईट बातमी समोर आली होती. 'पंचायत 2' या वेब सिरीजमध्ये झळकलेली अभिनेत्री आंचल तिवारीचं निधन झाल्याचा दावा अनेक मीडिया रिपोर्ट्समध्ये करण्यात आला होता. बिहारमधील मोहनिया पोलीस स्टेशन हद्दीतील देवकाली गावाजवळ 25 फेब्रुवारी रोजी झालेल्या एका रस्ते अपघातात मृत्युमुखी पडलेल्या 9 जणांमध्ये तिचाही समावेश आल्याचं सांगण्यात आलं होतं. या अभिनेत्रीच्या अकाली मृत्यूवर हळहळ व्यक्त केली जात होती. तिला चाहते श्रद्धांजली वाहत होते. पण आता या अभिनेत्रीविषयी मोठी माहिती समोर आली आहे. तिचाच एक व्हिडीओ समोर आला आहे. आता 'पंचायत 2' फेम अभिनेत्रीनं स्वतः व्हिडीओ शेअर करत जिवंत असल्याची माहिती दिली आहे.