Guess Who : खासदाराच्या मुलासोबत जोडलं नाव, दिला 100 कोटींचा सिनेमा, फोटोतील चिमुकली आहे मराठीतील सुपरस्टार

या फोटोमध्ये दिसणारी चिमुकली मुलगी ही सैराटमधील आर्ची म्हणजेच रिंकू राजगुरू आहे. 2016 मध्ये आलेल्या या सिनेमाने रिंकूला एका रात्रीत स्टार बनवलं. नागराज मंजुळे दिग्दर्शित सैराट या सिनेमात रिंकूने साकारलेली आर्ची प्रेक्षकांच्या मनात घर करून गेली. ऑनर किलिंगसारख्या गंभीर विषयावर आधारित या सिनेमाने तब्बल 104 कोटींची कमाई केली आणि मराठी चित्रपटसृष्टीत इतिहास रचला.

'सैराट'च्या यशानंतर रिंकू राजगुरूचं नाव अनेक वेळा चर्चेत आलं. काही काळापूर्वी तिचं नाव खासदार धनंजय महाडिक यांचा मुलगा कृष्णराज महाडिक याच्याशी जोडलं गेलं. कोल्हापुरच्या अंबाबाई मंदिरात दोघे एकत्र दर्शन घेताना दिसले आणि फोटो व्हायरल झाला. त्यानंतर दोघांच्या अफेअरच्या चर्चा रंगल्या. पण कृष्णराजने स्पष्ट केलं की ते दोघं फक्त चांगले मित्र आहेत.

'सैराट'नंतर रिंकूने कागर, मनसु मल्लिगे (सैराटचा कन्नड रिमेक) हंड्रेड, झिम्मा सारख्या सिनेमात काम केलं.  आज रिंकू राजगुरू ही केवळ मराठी सिनेसृष्टीतील एक महत्वाचं नाव आहे. तिच्या आगामी प्रोजेक्ट्सकडूनही प्रेक्षकांना खूप अपेक्षा आहेत.