'क्लिवेज किती डीप आहे' म्हणणाऱ्या त्या फॅनची काढली कुंडली, मराठी गायिका आनंदी जोशीनं समोर आणले प्रायव्हेट चॅट्स

मुंबई : कलाकार मंडळी सोशल मीडियावर सक्रीय असतात. सोशल मीडियावर आपले फोटो व्हिडीओ शेअर करत ते चाहत्यांच्या संपर्कात असतात. अनेकदा सोशल मीडियावर कलाकारांना ट्रोल देखील केलं जातं. तर कधी त्यांना त्यांच्या कपड्यांवरून, दिसण्यावरूनही नावं ठेवली जातात. अनेकदा कलाकारांवर अशी काही कमेन्ट केली जाते की त्यामुळे धक्काच बसतो. प्रसिद्ध मराठी गायिका आनंदी जोशी हिच्याबरोबर असाच काहीसा प्रकार घडला आहे. आनंदी जोशीवर तिच्याच एका फॅनने केलेली कमेन्ट तिनं सर्वांसमोर आणली आहे. इतकंच नाही तर तिने त्याची माहिती काढत सोशल मीडियावर त्याची पोलखोल केली आहे.