खरंच पूर्णाआजीच्या भूमिकेत दिसणार अभिनेत्री स्वाती चिटणीस? या कारणामुळे रंगलीये चर्चा

स्वाती चिटणीस या आता पूर्णा आज्जीच्या भूमिकेत दिसू शकतात अशा चर्चा सुरू झाल्या. दोघीचे कोलाज केलेले फोटो समोर आले. स्वाती चिटणीस यांचा लुक देखील हुबेहुब ज्योती चांदेकर यांच्यासारखा दिसतो.

इतकंच नाही तर स्वाती चिटणीस हिंदी मालिकेसह 'तू ही रे माझा मितवा' या स्टार प्रवाहवरील मालिकेतही काम करत होत्या. त्यांनी अर्णवच्या आजीची भूमिका साकारली होती. पण स्वाती यांनी अचानक ही मालिका सोडल्याची माहिती समोर आली आहे. तू ही रे माझा मितवा ही मालिका सोडल्यामुळे आता त्या ठरलं तर मग मालिकेत एन्ट्री घेणार अशा चर्चा सुरू झाल्या. ज्योती चांदेकर आणि स्वाती चिटणीस यांचे फोटो व्हायरल झाल्यानंतर प्रेक्षकांनीही स्वाती चिटणीस यांना पूर्णाआजी म्हणून पसंती दिल्याचं सोशल मीडियावर पाहायला मिळत आहे.

काही दिवसांआधी अभिनेत्री जुई गडकरीनं नव्या पूर्णाआजीविषयी माहिती दिली होती. मालिकेत नव्या पूर्णाआजी कोण असतील हे आम्हालाही माहिती नाही. चॅनेलकडून अधिकृत माहिती आल्यावरच कळेल असं जुईने म्हटलं होतं. सोशल मीडियावरील व्हायरल माहितीवर विश्वास ठेवू नका असंही जुईनं सांगितलं होतं.