Kidney Stone in Winter: हिवाळ्यात वाढतो किडनी स्टोनचा धोका, आत्ताच बदला ‘या’ चुकीच्या सवयी अन्यथा येईल पश्चातापाची पाळी

मुंबई: लोकांना हवाहवासा हिवाळा काहींसाठी डोकेदुखीचा ठरतो. पावसाळ्या इतकाच हिवाळ्यातही साथीच्या आजारांचा धोका असतो. त्याचं कारणंही तसंच आहे. हिवाळ्यात थंडीमुळे रक्तवाहिन्या आकुंचन पावतात. त्यामुळे किडनीवरही दबाव वाढतो. शरीरातील अतिरिक्त द्रव आणि हानिकारक रसायनं काढून टाकण्यासाठी किडनींना अधिक रक्त प्रवाहाची आवश्यकता असते, परंतु रक्तवाहिन्यां आकुंचन पावल्यामुळे आवश्यक त्या प्रमाणात रक्त मिळत नाही आणि किडन्यांवर अतिरिक्त दबाव वाढतो. त्यातच अनेक जण थंडीत कमी पाणी पितात, त्यामुळे शरीरात पाण्याची कमतरता निर्माण होते. पाण्याच्या कमतरतेमुळे रक्त घट्ट व्हायला लागतं. ज्यामुळे ब्लडप्रेशर वाढून किडन्यांवरचा दबाव आणखी वाढतो. या सर्व कारणांमुळे हिवाळ्यात किडनी स्टोन होण्याचा धोका जास्त असतो. त्यामुळे हिवाळ्यात तुम्हाला आणि तुमच्या किडनीला फिट ठेवायचं असेल तर या सोप्या टिप्स आम्ही तुम्हाला सांगतो जेणेकरून तुम्ही किडनी स्टोनचा धोका टाळू शकता.