केसांचं झडणं, केस गळणं आणि कोंड्यावर 1 उपाय! घरीच बनवा तेल, Recipe

भोपाळ : आजकालच्या धावपळीच्या जीवनात केसगळती सामान्य झाली आहे. त्यामुळे आपण याकडे दुर्लक्ष करतो. मात्र असं दुर्लक्ष केल्यानंच कधी टक्कल पडतं हे कळतही नाही. पावसाळ्यात तर केसगळती जास्त वाढते. त्यामुळे या काळात केसांची काळजी घेणं अत्यावश्यक असतं. त्यासाठी फार महागडे शॅम्पू किंवा तेल वापरायला हवं असं काही नाही. तर, आपण घरच्या घरी काही साधे उपाय करूनही केसगळती थांबवू शकतो.

कडूलिंबाच्या पानांमध्ये भरपूर औषधी गुणधर्म असतात. केसांच्या आरोग्यासाठी तर ही पानं अतिशय फायदेशीर ठरतात. केसगळती, केसांचं झडणं, डोक्यावर फोड येणं, केसांमध्ये कोंडा होणं, इत्यादींवर कडूलिंबाची पानं रामबाण असतात. जर तुमचे केस गळत असतील आणि आहे त्या केसांची वाढच होत नसेल, विंचरताना केस अगदी मुळापासून उपटले जात असतील. तर कडूलिंबाच्या पानांचा उपाय करायला काही हरकत नाही.