पनीर की अंडी? उन्हाळ्यात खाण्यासाठी बेस्ट काय? पाहा तुमच्या मनातील प्रश्नाचं उत्तर

काही लोकांना असं वाटतं की उन्हाळ्यात अंडी खाणे चांगले नाही शिवाय त्यामुळे पचनक्रियावर परिणाम होतो. दुसरं आणि महत्त्वाचं म्हणजे खरं तर प्रथिनांचं जास्त सेवन टाळणे ही चांगली सवय आहे. कारण प्रथिनांचं सर्वाधिक सेवन आपल्या चयापचयवर परिणाम करतं. तरी देखील तुम्हाला प्रथिनांसाठी अंडी खायची असेल तर तुम्ही अंड्याचा पांढरा भाग खावा. अंडी आपल्या शरीरातील द्रवपदार्थांचे संतुलन राखते जे उन्हाळ्यात अत्यंत आवश्यक मानले जाते. कारण शरीरात द्रव नसल्यामुळे निर्जलीकरण आणि इलेक्ट्रोलायटीक असंतुलन होण्याची शक्यता खूप जास्त प्रमाणात वाढण्याची भीती असते. अंड्यांमध्ये उच्च घनतेचे लिपोप्रोटीन्स असतात जे चांगले कोलेस्ट्रॉल वाढविण्यास मदत करतात. त्याशिवाय हृदयाशी संबंधित विकार दूर ठेवत हृदयाचे आरोग्य निरोगी ठेवतात, असं आहार तज्ज्ञ क्रांतिसिंह शिंदे सांगतात.