तुम्हीही जेवणानंतर चालता का? तर आत्ताच व्हा सावध! 'ही' सवय आहे अत्यंत घातक, डाॅक्टर सांगतात...

लोकल 18 ला माहिती देताना आहारतज्ज्ञ ममता पांडे यांनी सांगितलं की, आपलं शरीर सूर्यप्रकाशाच्या समन्वयाने काम करतं. सूर्योदयासोबत दिनचर्या सुरू करण्याची आणि रात्री विश्रांती घेण्याची सवय आपल्या जैविक घड्याळाला संतुलित ठेवते. मेंदूचा हायपोथॅलेमस भाग भूक, झोप आणि भावनांवर नियंत्रण ठेवतो. रात्रीच्या वेळी पाचन तंत्राला विश्रांतीची गरज असते, पण जेवणानंतर लगेच वेगानं चालणं, व्यायाम करणं किंवा जास्त काम केल्याने पोटातील रक्तप्रवाह इतर स्नायूंकडे वळतो. यामुळे पचनाची प्रक्रिया मंदावते आणि अन्न व्यवस्थित पचत नाही.

तज्ज्ञांचं म्हणणं आहे की "जेवणानंतर चांगली चालणं पचनासाठी उत्तम असतं" हा एक गैरसमज आहे. हलकं चालणं फायदेशीर ठरू शकतं, पण वेगानं किंवा जास्त वेळ चालल्याने नुकसान होऊ शकतं. जेवणानंतर पाचक रस अन्नाचं तापमान संतुलित करतात आणि रक्तप्रवाह पोटाच्या दिशेने केंद्रित राहतो. अशा स्थितीत, जोरदार व्यायाम किंवा ताण या प्रक्रियेत अडथळा आणतो, ज्यामुळे गॅस आणि अपचनाची समस्या वाढू शकते. तज्ज्ञ रात्रीच्या जेवणानंतर थोडा वेळ विश्रांती घेण्याचा आणि मग हळू चालण्याचा सल्ला देतात, जेणेकरून आरोग्याला फायदा होईल आणि झोपही चांगली लागेल.