Kitchen Tips : ताज्या दिसणाऱ्या माशांवर असू शकतं जीवघेणं केमिकल! खाण्यापूर्वी 'या' पद्धतीने नक्की स्वच्छ करा!

फॉर्मेलिन हे फॉर्मेल्डिहाइड आणि पाण्याच्या मिश्रणातून तयार झालेले एक केमिकल आहे. प्रयोगशाळांमध्ये अनेक जुने जीव आणि अवयव जतन करून ठेवण्यासाठी फॉर्मेलिनचा वापर केला जातो. हे पिवळसर रंगाचे द्रव असते. हे अवयव आणि जतन करून ठेवलेले मृत प्राणी दीर्घकाळ मऊ आणि ताजे ठेवते. कोझिकोड येथील कॅन्सर पॅथॉलॉजिस्ट आणि वरिष्ठ पॅथॉलॉजिस्ट डॉ. नीना माम्बिली म्हणाल्या, 'मासे आपल्या रोजच्या आहाराचा एक महत्त्वाचा भाग आहेत. पण या अन्नामध्ये असे केमिकल असू शकते, जे सहज ओळखता येत नाही. त्यामुळे सावध राहणे गरजेचे आहे.'

पेनसिल्व्हेनियाने इशारा दिला आहे की, हे केमिकल्स आपल्या शरीराला गंभीर नुकसान पोहोचवू शकतात. या केमिकल्सच्या अतिवापरामुळे कॅन्सरसारखे जीवघेणे आजार होऊ शकतात. फॉर्मेलिन हळूहळू आपल्या शरीरात विष पसरवत आहे. बाजारातून आणलेल्या ताज्या माशांवर विश्वास ठेवणे कठीण झाले आहे. त्यामुळे मासे शिजवण्यापूर्वी शक्य तितके फॉर्मेलिन काढून टाकणे आवश्यक आहे. काही सोप्या पद्धतींनी माशांमधील फॉर्मेलिन काढता येऊ शकते.