'लो-फॅट'च्या नादात 'हेल्दी फॅट्स' विसरू नका! 'या' दोन व्हिटॅमिन्सची गरज, आजच आहारात सामील करा, अन्यथा...

शरीराच्या वाढीसाठी आणि योग्य कार्यासाठी प्रथिने (प्रोटीन्स) आणि चरबीप्रमाणेच अनेक जीवनसत्त्वांचीही गरज असते. या जीवनसत्त्वांमध्ये 'व्हिटॅमिन सी' (Vitamin C) आणि 'व्हिटॅमिन ई' (Vitamin E) ही दोन महत्त्वाची जीवनसत्त्वे आहेत. यापैकी एक व्हिटॅमिन शरीराला रोगप्रतिकारशक्ती प्रदान करते, तर दुसरे त्वचा आणि केस यांसारख्या महत्त्वाच्या अवयवांचे संरक्षण करते. डॉक्टर्स दररोज या व्हिटॅमिन्सचे सेवन करण्याचा सल्ला देतात. याबाबत पोषणतज्ज्ञ शर्मिष्ठा कर यांनी आपले मत व्यक्त केले आहे.

पोषणतज्ज्ञ शर्मिष्ठा कर यांच्या मते, व्हिटॅमिन सी पांढऱ्या रक्तपेशींच्या (White Blood Cells) कार्याला मदत करून निरोगी रोगप्रतिकारशक्ती राखण्यास मदत करते. संसर्गाशी लढण्यासाठी या पांढऱ्या रक्तपेशी अत्यंत महत्त्वाच्या असतात. तसेच, व्हिटॅमिन सी 'कोलेजन' (Collagen) तयार होण्यासाठी आवश्यक आहे. कोलेजन हे एक प्रोटीन आहे, जे त्वचा, हाडे, कूर्चा (कार्टिलेज) आणि रक्तवाहिन्यांच्या आरोग्यासाठी महत्त्वाचे असते.