Summer Tips : उन्हाळ्यात अशाप्रकारे वापरा परफ्युम; दिवसभर टिकेल सुगंध आणि राहाल फ्रेश..

परफ्युममुळे खूप जणांना डोकं दुखण्याचा त्रास होतो. परफ्युममुळे होणारी डोकेदुखी होऊ नये, यासाठी पर्याय म्हणजे तुम्ही तुमच्यासाठी योग्य सुगंध असलेला परफ्युम निवडणं होय. त्यामुळे वेगवेगळा सुगध येणारे परफ्युम वापरून पहा, ही पद्धतही काम करत नसेल तर मग सुगंधित बॉडी प्रॉडक्ट वापरून पाहा. जर कुणाला परफ्युम वापरायचा नसेल तर ते गुलाब व नेरोली यांसारखे सुगंधी कंपाउंड असलेले साबण किंवा बॉडी शॉप देखील वापरू शकता, असा सल्ला थिएरमन देतात.

मॉईश्चराइज्ड त्वचेवरील सुगंध जास्त काळ टिकून राहतो. दिवसभर परफ्युमचा चांगला सुगंध यावा, यासाठी थिएरमन परफ्युमच्या एकापेक्षा जास्त लेयर लावण्याचा सल्ला देतात. तुम्ही फक्त परफ्युम केलेले बॉडी लोशन वापरत असाल तर तुम्हाला खूप कमी सुगंध येईल. पण जर तुम्ही सुगंधित साबण, क्रीम आणि नंतर परफ्युम लावल्यास तुम्हाला दीर्घकाळ टिकणारा सुगंध मिळेल.

तुमच्या शरीराच्या उष्ण भागांवर परफ्युम लावल्याने सुगंध सहज पसरतो. त्यामुळे तुम्ही मान, मनगट, गुडघ्यांच्या मागे आणि कानाच्या पाळ्यांवर परफ्युम लावावा. अंगावर परफ्युम लावल्यानंतर कपड्यांवरही परफ्युम लावा.

जर तुम्ही तुमच्या महागड्या परफ्युमच्या बाटल्या बाथरूमच्या कॅबिनेटमध्ये ठेवत असाल तर तुमची पद्धत चुकीची असू शकते, कारण ओलावा परफ्युमची रचना नष्ट करू शकतो, त्यामुळे बाटल्या उष्णतेपासून दूर थंड कॅबिनेटमध्ये ठेवा.