राष्ट्रसंत तुकडोजी महाराजांच्या प्रार्थना मंदिरात एकही देवाचा फोटो नाही, समाधीचा अर्थ काय? Video

अमरावती: विदर्भभूमीला संतपरंपरेचा समृद्ध वारसा लाभला आहे. त्याच संतपंढरीत राष्ट्रसंत तुकडोजी महाराजांचे गुरुकुंज मोझरी येथील आश्रम केंद्रस्थानी आहे. जनजागृती, ग्रामविकास आणि राष्ट्रनिर्मितीचे कार्य अमरावती जिल्ह्यातील या पवित्र भूमीतूनच वंदनीय राष्ट्रसंत तुकडोजी महाराजांनी केले. आजही त्यांचे आश्रम, समाधी आणि अधिष्ठान हे लाखो भक्तांसाठी प्रेरणास्थान आहे. महाराजांच्या आश्रमाची रचना देखील सगळ्यात वेगळी आहे. त्यांनी मूर्तिपूजा न करता अधिष्ठान स्थापन केले. तसेच त्यांच्या समाधीला देखील अर्थ आहे. याबाबत सविस्तर माहिती प्रचार प्रमुख प्रकाश वाघ यांनी दिली आहे.