... हे तुम्हाला शोभत नाही, चंद्रकांत पाटील यांनी सुरेश धस यांना खडसावले

कोल्हापूर : सरपंच संतोष देशमुख यांच्या हत्या प्रकरणाने राज्यात रोष निर्माण झालेला असून दोषींवर कडक कारवाईची मागणी केली जात आहे. विरोधकांसह सत्ताधारी पक्षाचे आमदारही बीडमधील बिघडलेल्या कायदा सुव्यवस्थेवरून अनेक गंभीर आरोप करीत आहे. भाजप आमदार सुरेश धस यांनी अतिशय आक्रमक पवित्रा घेत मंत्री धनंजय मुंडे यांच्यावर अनेक गंभीर आरोप केले. यादरम्यान त्यांनी अभिनेत्री प्राजक्ता माळी हिच्यावरही टिप्पणी केली. धस यांच्या वक्तव्यावरून नवा वाद उभा राहिला असून भाजपचे वरिष्ठ नेते, मंत्री चंद्रकांत पाटील यांनी त्यांना खडे बोल सुनावले आहेत.