Weight loss : वाढत्या वजनाला लावा ब्रेक, फक्त 'ही' गोष्ट करा आणि राहा टेन्शन फ्री

छत्रपती संभाजीनगर : भारताची महिला कुस्तीपटू विनेश फोगाट हिला पॅरिस ऑलिम्पिक 2024 या क्रीडा स्पर्धेत बाद ठरवण्यात आले. 50 किलोग्रॅम वजनी गटातील सुवर्णपदकाच्या लढतीपूर्वी निर्धारित मानकांपेक्षा 100 ग्रॅम वजन जास्त भरल्यामुळे विनेशवर ही कारवाई करण्यात आली. दरम्यान, यानंतर आता वजनाबाबत विविध प्रकारची चर्चा होत आहे.

आपल्यालाही जर आपल्या वजन जशास तसे ठेवायचे असेल, आपण आपले वजन कसे ठेवावे, त्यासाठी तुम्ही कोणत्या प्रकारचा आहार घ्यायला हवा, आपल्या आहारामध्ये कुठल्या गोष्टींचा समावेश करायला हवा, याविषयी अलका कर्णिक यांनी सविस्तर माहिती दिली.

लोकल18 शी बोलताना त्यांनी सांगितले की, जर तुम्हाला तुमचे वजन जशास तसे ठेवायचे असेल तर सर्वप्रथम तर तुमची पचनसंस्था ही चांगली असायला हवी. पचनसंस्था चांगली असेल तर वजन नियंत्रणामध्ये ठेवायला मदत होते. त्यासोबतच तुमची झोपदेखील व्यवस्थित होणे गरजेचे आहे. तुम्ही दररोज किमान 8 तास तरी झोप घेणे गरजेचे आहे. तसेच आहारामध्ये कडधान्य, फळांचा ज्यूस याचा समावेश करायला हवा. या सर्व गोष्टींचा समावेश जर असेल तर वजन नियंत्रणात राहायला मदत होते.

या सर्व गोष्टींचा समावेश जर तुम्ही तुमच्या आहारामध्ये केला तर तुमचे वजन नियंत्रणात राहण्यामध्ये मदत होते. हे सर्व करणे गरजेचे आहे, अशी माहिती आहारतज्ञ अलका कर्णिक यांनी सांगितले.