'आई! पाणी नको भीती वाटते, मला वाचव' 3 वर्षांच्या चिमुकल्याने व्हिवळत आईच्या मांडीवर सोडला जीव

मोकाट कुत्र्याच्या चाव्याने त्याचं आयुष्य संपल आणि मागे राहिलं फक्त आईचा आक्रोश आणि एक शांतता. आई, मला पाणी नको… भीती वाटते… त्या चिमुकल्यांचे शेवटचे शब्द होते. चिमुकल्याच्या मृत्यूनं संपूर्ण परिसरावर शोककळा पसरली आहे. मोकाट कुत्र्याच्या चाव्याने एका निष्पाप तीन वर्षांच्या चिमुकल्याचे आयुष्य हिरावले गेले असून, या घटनेनंतर आईचा आक्रोश आणि कुटुंबावर कोसळलेले दुःखाचे डोंगर पाहून उपस्थितांचे काळीज पिळवटून निघाले.

काही दिवसांनी मुलाला ताप येऊ लागला, त्यानंतर डोक्यात एक छोटी जखम असल्याचे कुटुंबीयांच्या लक्षात आले. मात्र, त्यानंतर मुलामध्ये एक गंभीर लक्षण दिसू लागले. तो पाणी पाहून थरथर कापू लागला. आईने त्याला पाणी देण्याचा प्रयत्न केला, तेव्हा तो भीतीने मागे सरकला आणि रडत रडत म्हणाला, "आई, पाणी नको… मला वाचव… आई मला वाचव ना…"

अरमानचे काका, शेख रहीस यांनी सांगितले की, "कुत्र्याने हल्ला केल्याबद्दल आम्हाला कोणीही सांगितलं नाही. खेळताना पडल्यामुळे लागलं असं अरमाननं सांगितलं होतं." घटनेच्या आठ दिवसानंतर अरमान जेव्हा आपले डोके खाजवू लागला, तेव्हा कुटुंबीयांना केसांखाली लपलेले कुत्र्याच्या दातांचे व्रण दिसले. व्रण दिसताच कुटुंबीयांनी अरमानला उपचारासाठी तातडीने रुग्णालयात नेले. मात्र, एका रुग्णालयाने उपचार नाकारून त्याला दुसऱ्या रुग्णालयात रेफर केले.

दुर्दैवाने, पुढील दोन रुग्णालयांनीही या चिमुकल्यावर उपचार करण्यास नकार दिला आणि मुलाचे वाचणे कठीण आहे, असे कुटुंबीयांना सांगितले. अरमानच्या शेवटच्या क्षणी"त्याला पाणी पाहण्याचीही भीती वाटत होती. तो सतत आपले शरीर खाजवत होता आणि घाबरून ब्लँकेटखाली लपत होता. मोकाट कुत्र्यांप्रमाणेच अरमानच्या तोंडून पाणी गळू लागले होते." यानंतर, डॉक्टरांनी कुटुंबीयांना रेबीज प्रतिबंधक लस घेण्याचा सल्ला दिला.