Sachin Pilgaonkar : 'उर्दू ही हिंदूंची भाषा आहे' सचिन पिळगांवकरांचं नवं स्टेटमेन्ट चर्चेत

अभिनेते सचिन पिळगांवकर यांनी नुकतंच उर्दू भाषेवर त्यांचं असलेलं प्रेम व्यक्त केलं. रात्री 3 वाजता जरी उठवलं तर मी उर्दूच भाषा बोलतो असं ते म्हणाले होते.

इतकंच नाही तर माझी मातृभाषा मराठी असली तरी विचार उर्दू भाषेत करतो. सचिन पिळगांवकर यांचं उर्दू भाषेवर असलेलं प्रभुत्व आणि प्रेम पुन्हा एकदा दिसून आलं.

दरम्यान उर्दू प्रेमी सचिन पिळगांवकर यांचं नवं स्टेटमेन्ट चर्चेत आलं आहे. 'बहार-ए-उर्दू' या कार्यक्रमानंतर मीडियाशी बोलताना सचिन पिळगांवकर यांनी उर्दू ही हिंदूंची भाषा आहे असं स्टेटमेन्ट केलं आहे.

सचिन पिळगांवकर म्हणाले, "तुमच्या माहितीसाठी सांगतो की, उर्दू हिंदुस्थानची एक भाषा आहे. हिंदुस्तानमध्ये जितक्याही भाषा आहेत त्यातील एक भाषा उर्दू आहे. ही हिंदुस्तानच्या बाहेरची भाषा नाहीये."

"ही प्रत्येक धर्माची भाषा आहे. कारण भाषेला कोणता धर्म नाहीये आणि कोणत्याच भाषेचा कोणता धर्म नसतो आणि कधीच नसावा."

"ज्या लोकांना असं वाटतं की उर्दू ही भाषा फक्त काहीच लोकांची आहे तर ते चुकीचा विचार करत आहेत. उर्दू सगळ्यांची आहे."

"जितक्या हिंदू भाषा आहेत, जसं की संस्कृत आहे, हिंदी आहे, तशी हिंदूंची आणखी एक भाषा आहे ज्याचं नाव उर्दू आहे."