Dr. Amol Kolhe : राजकीय भूमिका घेणं अमोल कोल्हेंना भोवलं, नाशकात शिवपुत्र संभाजी महानाट्याचे प्रयोग रद्द

कलाकार आणि राजकीय भूमिका यांचा संबंध जोडण्याची गरज नाही. दोन स्वतंत्र गोष्टी म्हणून त्याकडे पाहिले जात नसल्याची खंत त्यांनी व्यक्त केली. पहलगाम दहशतवादी हल्ल्याबाबत आपली भूमिका स्पष्ट असून ही राजकारण करण्याची वेळ नसल्याचे डॉ. कोल्हे यांनी सांगितले. पाकिस्तानला धडा शिकवायला पाहिजे, या भूमिकेतून संपूर्ण देश पंतप्रधानांच्या पाठिशी उभा असल्याचे कोल्हे यांनी स्पष्ट केले. राजकीय जोडे घालून महानाट्य करत नाही. महानाट्याचे तिकीट घेणाऱ्या प्रेक्षकांची कोल्हे यांनी दिलगिरी व्यक्त केली आहे.

दरम्यान, शिवपुत्र संभाजी महानाट्याची आम्ही दीड महिन्यांपासून जोरदार तयारी केली होती. पहलगामच्या दहशतवादी हल्ल्यानंतर अभिनेते खासदार डॉ. अमोल कोल्हे यांनी सोशल मीडियात घेतलेल्या भूमिकेमुळे आम्ही व्यथित झालो. त्यामुळेच नाइलाजाने हे प्रयोग थांबवण्याचा निर्णय घेतला असल्याचे आयोजक गोपाळ पाटील यांनी सांगितले.