Kalyan Protest : मांसाहार बंदीविरोधात कडोंमपामध्ये आंदोलन, खाटिकांसह आंदोलकांची धरपकड
- Published by:Shrikant Bhosale
Last Updated:
Kalyan Protest Against Non Veg Ban: आज कल्याण-डोंबिवलीमध्ये या बंदीविरोधात खाटिक समाज आणि राष्ट्रवादी शरद पवार गटाने आंदोलन केले.
कल्याण: 15 ऑगस्ट स्वातंत्र्य दिनाच्या निमित्ताने मांस विक्री करण्यासाठी बंदी आणली होती. महापालिकांच्या निर्णयाविरोधात संताप व्यक्त करण्यात येत होता. आज कल्याण-डोंबिवलीमध्ये या बंदीविरोधात खाटिक समाज आणि राष्ट्रवादी शरद पवार गटाने आंदोलन केले. आंदोलकांची जमवाजमव होताच, पोलिसांनी धरपकड करत ताब्यात घेतले.
कल्याण डोंबिवलीत मांस विक्रीला बंदी घालण्यात आली. या बंदीला विरोध करणाऱ्यांना पोलिसांनी ताब्यात घेतलं. बाजारपेठ पोलिसांनी या आंदोलनकर्त्यांना ताब्यात घेतलं. शिवसेना ठाकरे पक्षाचे विधानसभा संघटक रुपेश भोईर, धर्मवीर खाटीक समाजाचे अध्यक्ष परवेश शेख हसीम शेख यांच्यासह इतर पदाधिकाऱ्यांना सकाळीच प्रतिबंधक कारवाई म्हणून या सर्वांना ताब्यात घेण्यात आलं होतं. मात्र, त्यानंतरही महापालिका प्रशासकीय इमारतीसमोर खाटिक समाज आणि राष्ट्रवादी शरद पवार गटाचे कार्यकर्ते जमले होते.
advertisement
कल्याण-डोंबिवलीमध्ये मांसाहार बंदीच्या विरोधात मोठ्या प्रमाणावर संताप व्यक्त केला जात आहे. स्वातंत्र्य दिनीच खाण्यावर बंधने कशी आणता असा सवाल करण्यात आला. राष्ट्रवादी शरद पवार गट, काँग्रेस, मनसे, ठाकरे गटासह इतरांनी या बंदीचा निषेध केला. आज कल्याण-डोबिंवली महापालिकेत या बंदीविरोधात आंदोलन करत मटण पार्टी करण्याचा इशारा देण्यात आला होता.
advertisement
नागपूरमध्ये मांसाहार बंदी...
नागपूरमध्ये 15 ऑगस्टनिमित्त चिकन, मटण शॉप आणि कत्तलखाने बंद ठेवण्यात आली आहे. महापालिकेनं यासंदर्भात आदेश काढला होता. नागपूरच्या मटण मार्केटमध्ये शुकशुकाट पाहायला मिळतोय. खाटिक समाजबांधवांनी महापालिकेच्या आदेशाचं पालन करत आपली दुकानं बंद ठेवली आहेत.
स्वातंत्र्यादिनानिमित्त शहरात मटणाची दुकाने बंद ठेवावी असा आदेश नाशिक महानगरपालिकेनं काढला होता. मात्र, शहरातील खाटिक समाजानं हा आदेश धुडकावून लावला. खाटिक समाजाकडून दुकानं सुरू ठेवण्यात आलीय. आम्ही कोणत्याही परिस्थितीत मटणाची दुकाने बंद ठेवणार नाही अशी भूमिका खाटिक समाजानं घेतली.
Location :
Kalyan-Dombivli (Kalyan-Dombivali),Thane,Maharashtra
First Published :
August 15, 2025 10:54 AM IST
मराठी बातम्या/महाराष्ट्र/
Kalyan Protest : मांसाहार बंदीविरोधात कडोंमपामध्ये आंदोलन, खाटिकांसह आंदोलकांची धरपकड
