लाडक्या बहिणींना आणखी एक गिफ्ट! आता रेशन कार्डवर मिळणार साडी, काय आहे योजना?

रेशन दुकानावर अन्नधान्याबरोबरच आता साडीही मिळणार आहे. राज्यातील अंत्योदय शिधा पत्रिकाधारक कुटुंबांना या योजनेचा लाभ देण्यात येणार आहे. अंत्योदय शिधापत्रिकाधारक प्रत्येक कुटुंबाला दरवर्षी एक साडी रेशन दुकानावर मोफत मिळणार आहे. कोल्हापुरात सध्या तरी फक्त एका तालुक्यातील गोडावूनला साड्या दाखल झाल्या आहेत. अन्य तालुक्यांमध्ये साड्या पोहोचल्या की त्यांचे वितरण सुरू होईल. साधारण मार्च महिन्याच्या पहिला किंवा दुसऱ्या आठवड्यात वितरण सुरू होईल. या साड्या फक्त अंत्योदय शिधापत्रिकांवर दिल्या जाणार आहेत. एका कार्डावर एक साडी याप्रमाणे 51 हजार 810 साड्यांचे वाटप केले जाणार असून त्यासाठी होळीपर्यंतचा कालावधी दिला आहे.