शाळेत असतानाच पाहिलं होतं IAS होण्याचं स्वप्न, अन् कठीण परिस्थितीतही तिनं करुनच दाखवलं! वृषालीची प्रेरणादायी गोष्ट

घरची परिस्थिती हालाखीची असल्यामुळे आणि त्यात मुंबईसारख्या शहरात स्पर्धा परीक्षेचे फारसे चांगले वातावरण नाही आहे. तरीदेखील वृषालीचे यूपीएससीसाठी प्रयत्न सुरुच होते. यादरम्यान घरची परिस्थिती सुधारण्यासाठी आई लहान मुलांच्या शिकवण्यादेखील घ्यायची. यातूनच मला अजून जोमाने तयारी करावी असे वाटायचे. त्यातच 2021 आणि 2022 साली यूपीएससीच्या परीक्षेत मला पूर्व परिक्षेतच अपयश आले. मात्र, हार न मानून मी पुन्हा तयारीला लागले होते आणि त्यामुळेच मला 2023 च्या परीक्षेत यश मिळाले., असे वृषालीने सांगितले आहे.

वृषाली सांगते की, दररोज दिवसभरात दहा तास अभ्यास करण्याचा प्रयत्न असायचा. यामध्ये मागच्या वर्षभरात नेहमी सातत्य राखले. मागच्या दोन्ही प्रयत्नात जरी यशस्वी होऊ शकत नसले, तरी त्यातून खूप काही शिकायला मिळाले. या चुकांमधून शिकताना एक चांगली व्यक्ती होण्यासाठी मदत झाली. त्या चुका बाजूला करून स्वतःमध्ये सुधारणा करता आल्या. हे सर्व करण्यासाठी बार्टी अर्थात डॉ. बाबासाहेब आंबेडकर संशोधन आणि प्रशिक्षण संस्थेच्या शिष्यवृत्तीमुळे आणखी बळ मिळाले. शिष्यवृत्ती मिळवून मी दिल्लीला अभ्यासासाठी गेली होती. आत्ता मिळवलेल्या यशासाठी तिकडे घेतलेल्या प्रशिक्षणाचा खूप फायदा झाल्याचेही वृषाली यांनी सांगितले आहे.