Latur : वृद्ध आई-वडिलांना सांभाळले नाही तर...; ग्रामपंचायतीने घेतला ऐतिहासिक निर्णय

नितिन बनसोडे, लातूर, 06 सप्टेंबर : वृद्ध आई वडिलांचा सांभाळ न करणाऱ्या मुलांना ग्रामपंचायतीतून कोणतेही प्रमाणपत्र न देण्याचा आणि वृक्षरोपण केल्याशिवाय विवाह प्रमाणपत्र न देण्याचा ऐतिहासिक निर्णय लातूर जिल्ह्यातल्या बोरगाव काळे ग्रामपंचायतीनं घेतला. " मुलापेक्षा मुलगी बरी , प्रकाश देते दोन्ही घरी " या म्हणीप्रमाणं असं म्हणतात कि मुलींचं सर्वात जास्त प्रेम हे आपल्या आईवडिलांवर असतं , पण सासरी गेल्यावर मुलींना आपल्या आईवडिलांचा सांभाळ करण्याची ईच्छा असूनही ती पूर्ण करू शकत नाही. मात्र लातूर जिल्ह्यातल्या एका महिला सरपंचानं गावात धडाकेबाज निर्णय घेत आपल्याच नाही तर तमाम ग्रामस्थांच्या वृद्ध आईवडिलांच्या संभाळाचा मसुदाच तयार केलाय.