क्रेटाने उद्ध्वस्त केलं 14 वर्षीय मुलाचं आयुष्य; गमावले दोन्ही पाय, दोघांचा मृत्यू; Accident Video
- Published by:Priya Lad
Last Updated:
भरधाव वेगाने येणाऱ्या कारच्या ड्रायव्हरचा ताबा सुटला आणि कार थेट हॉटेलमध्ये घुसली.
लातूर : आपल्याकडे कार असावी असं स्वप्न अनेकांचं असतं. पण हीच काळ काही जणांसाठी जीवघेणी ठरली आहे. अशीच धक्कादायक घटना घडली आहे ती लातूरमध्ये. क्रेटा कारमुळे एका 14 वर्षीय मुलाचं आयुष्य उद्ध्वस्त झालं आहे, त्याने आपले दोन पाय गमावले आहेत. तर या कारच्या अपघातात दोन जणांनी आपला जीव गमावला आहे.
औसा इथं हा भीषण अपघात झाला आहे. हायवे क्रमांक 361 वर सीएनजी पेट्रोल पंपाच्या जवळ असलेल्या एका हॉटेलात भरधाव कार घुसली आहे. हैदराबादहून लातूरकडे जाणारी ही क्रेटा कार. भरधाव वेगाने येणाऱ्या कारच्या ड्रायव्हरचा ताबा सुटला आणि कार थेट हॉटेलमध्ये घुसली.
advertisement
या अपघातात हॉटेलमध्ये काम करणाऱ्या 14 वर्षीय मुलाचे दोन्ही पाय तुटले आहेत. ओमकार कांबळे असं या मुलाचं नाव आहे. तर कारमधील 2 जण जागीच ठार झालेत. तसंच कार मधील 2 जण गंभीर जखमी झाले आहेत. त्यांना खाजगी रुग्णालयात उपचारासाठी दाखल करण्यात आलं आहे. गाडीचा चक्काचूर झाला आहे.
लातूरच्या हॉटेलमध्ये घुसली भरधाव कार; अपघाताचं भयानक सीसीटीव्ही फुटेज. pic.twitter.com/PY5ZRlUcAn
— News18Lokmat (@News18lokmat) March 9, 2024
advertisement
ही दुर्दैवी घटना सीसीटीव्ही कॅमेऱ्यात कैद झाली आहे. अपघाताचा व्हिडीओ पाहिल्यावर अंगावर काटा आल्याशिवाय राहणार नाही.
Location :
Latur,Maharashtra
First Published :
Mar 09, 2024 2:43 PM IST
मराठी बातम्या/महाराष्ट्र/लातूर/
क्रेटाने उद्ध्वस्त केलं 14 वर्षीय मुलाचं आयुष्य; गमावले दोन्ही पाय, दोघांचा मृत्यू; Accident Video
