Maharashtra Elections 2024 : अखेर अजितदादांच्या विश्वासूला दुसऱ्या यादीत उमेदवारी, भाजपचा विरोध मावळला?

पुणे :  अजित पवार यांच्या नेतृत्त्वातील राष्ट्रवादी काँग्रेसने आज आपली दुसरी यादी जाहीर केली. या यादीत अजित पवार यांचे विश्वासू असलेले सुनील टिंगरे यांना अखेर उमेदवारी मिळाली आहे. सुनील टिंगरे हे वडगाव शेरीचे विद्यमान आमदार आहेत. आता, त्यांना पुन्हा एकदा संधी मिळणार आहे. सुनील टिंगरे यांच्या उमेदवारीला भाजपने विरोध केल्याचे वृत्त होते. अजितदादांच्या जवळचे असलेले सुनील टिंगरे यांना पहिल्या उमेदवारी यादीत स्थान नसल्याने चर्चांना उधाण आले होते. सुनील टिंगरे यांच्यावर पुण्यातील पोर्शे कार हिट अॅण्ड रन केसमधील आरोपीला मदत केल्याचा आरोप होता.