मीरा भाईंदरमध्ये अमराठी व्यापाऱ्यांचा मोर्चा, मनसे संतापली, भाजपविरोधात एल्गार, जिथे त्यांचा मोर्चा तिथेच....

मीरा भाईंदर : महाराष्ट्रात हिंदीसक्तीच्या विरोधात वातावरण पेटलेले असताना मीरा भाईंदरमध्ये मराठीत न बोलणाऱ्या एका व्यापाऱ्याला भाषेच्या मुद्द्यावरून मनसैनिकांनी चोप दिला. या घटनेविरोधात मीरा भाईंदरच्या अमराठी व्यापाऱ्यांनी मनसेविरोधात मोर्चा काढला. मनसे अध्यक्ष राज ठाकरे आणि पक्षाच्या पदाधिकाऱ्यांविरोधात मोर्चा काढून झालेल्या घटनेचा निषेध नोंदवत मारहाण करणाऱ्यांविरोधात कडक कारवाई करावी, अशी मागणी त्यांनी केली. गुरूवारी मीरा भाईंदरमधली दुकाने व्यापाऱ्यांनी बंद ठेवली होती. गुजराती व्यापाऱ्यांच्या याच मोर्चाविरोधात मनसेने देखील आक्रमक भूमिका घेतली आहे.