आजकाल फार कुणी पैसे ठेवत नाही, जो तो ऑनलाईन करा ना असंच म्हणतो. पैसे नाहीत ऑनलाईन करा, आम्ही कॅश ठेवत नाही ऑनलाईन करा. सगळं काही ऑनलाईन होत असताना आता डिजिटल पेमेंटमध्ये मोठी क्रांती होणार आहे. याचं कारण म्हणजे फिनटेक फेस्टमध्ये महत्त्वाच्या घोषणा केल्या आहेत. त्याचा थेट परिणाम तुमच्या दैनंदिन जीवनावर होणार आहे. मुंबईत सुरू झालेल्या आशियातील सर्वात मोठ्या फिनटेक फेस्टमध्ये केंद्र सरकार आणि रिझर्व्ह बँकेने सर्वसामान्य लोक, छोटे व्यापारी आणि कामगार वर्गाचं आयुष्य अधिक सोपं करणाऱ्या अनेक महत्त्वाच्या योजना जाहीर केल्या. या योजनांमुळे पुढच्या काही महिन्यांत कर्ज मिळवण्याची प्रक्रिया, डिजिटल पेमेंट आणि बँकिंग सुरक्षा पूर्णपणे बदलणार आहे.