केंद्रीय मंत्र्याचा फोन, सूत्रे फिरली, एटीसी-पायलटचा संपर्क झाला आणि विमान फिरलं, बँकॉक रिटर्न विमानाची इनसाईड स्टोरी

चंद्रकांत फुंदे, प्रतिनिधी, पुणे : माजी मंत्री आणि शिवसेना नेते तानाजी सावंत यांच्या मुलाचं कथित 'अपहरणनाट्य' सोमवारी रात्री चांगलंच रंगलं. मुलगा ऋषिराजला दोघे जण कारमधून घेऊन गेल्याची तक्रार पोलिसांत देण्यात आली. पोलीस तपासात तो मुलगा लोहगाव विमानतळावरुन चार्टर्ड विमानानं मित्रांसह बँकॉकला निघाल्याचं समोर आलं. त्यानंतर सावंतांनी त्यांचं राजकीय वजन वापरुन लेकाला परत आणलं. यामध्ये नागरी उड्डाण मंत्री असलेल्या मुरलीधर मोहोळ यांनी महत्त्वाची भूमिका बजावली. ते पुण्याचे खासदार आहेत. शिवाय नरेंद्र मोदी यांच्या मंत्रिमंडळात नागरी उड्डाण मंत्रालयासारखे महत्त्वाचे खाते त्यांच्याकडे आहे.