Nashik News : काल खंडणीचा गुन्हा अन् आज भाजपात प्रवेश, नाशिकच्या राजकारणात उलथापालथ

हे सगळेच नेते आणि नगरसेवक आज अधिकृतरित्या भारतीय जनता पक्षात सामील होत असून, त्यामुळे ठाकरे गटाला नाशिकमध्ये मोठे राजकीय नुकसान सहन करावे लागणार आहे. विशेष म्हणजे अवघ्या काही दिवसांपूर्वीच मामा राजवाडे यांची ठाकरे गटाच्या महानगर प्रमुखपदी नियुक्ती करण्यात आली होती. ही नेमणूक आता निष्फळ ठरली आहे.

याशिवाय, कालच नाशिक शहरात सुनील बागुल आणि मामा राजवाडे यांच्या विरोधात दरोड्याचा गुन्हा दाखल झाला होता. या गुन्ह्यानंतर लगेच दुसऱ्याच दिवशी त्यांच्या भाजपमध्ये प्रवेशाने विविध तर्क-वितर्कांना उधाण आले आहे. एकीकडे, विरोधी पक्षांकडून भाजपवर गुन्हेगारांना सामावून घेतल्याचे आरोप होत आहेत. भाजपने काही वर्षांआधी सुधाकर बडगुजर यांच्यावरही मुंबई बॉम्बस्फोटातील आरोपी सलीम कुत्ता याच्याशी संबंध असल्याचे आरोप केला होता. त्यानंतर काही दिवसांपूर्वीच बडगुजर यांचा भाजपात प्रवेश झाला. या पक्षप्रवेशाला भाजपच्या स्थानिक पातळीवरून विरोध झाला होता.

नाशिकमध्ये शिवसेनेच्या ठाकरे गटाला मोठा फटका बसला असून, आगामी महापालिका निवडणुकांसाठी हे समीकरण नक्कीच बदलणारे ठरणार आहे.

> सुनिल बागुल ( शिवसेना उपनेते, उबाठा )

> मामा राजवाड़े ( महानगर प्रमुख, उबाठा )

> गणेश गीते ( माजी स्थायी समिति सभापती )

> सचिन मराठे (उपजिल्हाप्रमुख, माजी नगरसेवक, उबाठा )

> प्रशांत दिवे ( माजी नागरसेवक, उबाठा )

>  सिमा ताजने ( माजी नगरसेविका,उबाठा )

> कमलेश बोडके ( माजी नगरसेवक )

>  बाळासाहेब पाठक ( जिल्हा संघटक, उबाठा )

> गुलाब भोये ( उपजिल्हा प्रमुख, उबाठा )

>  कन्नु ताजने ( उपजिल्हा प्रमुख, उबाठा )

> शंभु बागुल ( युवसेना विस्तारक, उबाठा )

> अजय बागुल ( श्रमिक सेना जिल्हा प्रमुख )