धनंजय आणि मी पक्ष म्हणून एकत्र, बहिण भाऊ म्हणून नाही; ताटाला ताट लावून जेवणाऱ्या पंकजा मुंडेंचं मोठं वक्तव्य

धाराशिव : आमदार धनंजय मुंडे आणि मंत्री पंकजा मुंडे यांच्या एकत्र येण्यासंदर्भात पंकजा मुंडे यांनी एक मोठं वक्तव्य केलं आहे. धनंजय आणि मी पक्ष म्हणून एकत्र आलो आहोत. राष्ट्रवादी काँग्रेस आणि भाजप असे एकत्र आलो आहोत ,बहिण भाऊ म्हणून नाही असं वक्तव्य मंत्री पंकजा मुंडे यांनी केला आहे. मुंडे बहिण भाऊ एकत्र येण्यावरून विचारलेल्या प्रश्नाला उत्तर देताना पंकजा मुंडे यांनी हे वक्तव्य केलं आहे.

सध्या आमदार धनंजय मुंडे व पंकजा मुंडे या बऱ्याच वर्षानंतर एकत्र आले आहेत. त्यामुळे राज्यात मुंडे बहीण भाऊ एकत्रीकरणाची राज्याच्या राजकारणात जोरदार चर्चा सुरू आहे .या पार्श्वभूमीवर पंकजा मुंडे यांनी हे वक्तव्य केलं आहे .आता धनंजय मुंडे या वक्तव्याला कसं घेतात हे पाहावं लागेल ,पर्यावरण मंत्री पंकजा मुंडे यांनी आज तुळजाभवानी मातेचे दर्शन घेतलं त्यानंतर पत्रकारांशी बोलताना पंकजा मुंडे यांनी हे वक्तव्य केले आहे.