तानाजी सावंत यांच्या लेकाची झाडाझडती, पुणे पोलिसांना उत्तर दिलं पण अडकला, प्रतिप्रश्न करताच हाताची घडी तोंडावर बोट!

चंद्रकांत फुंदे, पुणे : कौटुंबिक वादातून रुसून बँकॉकला गेलेला तानाजी सावंत यांचा बहाद्दर लेक वडिलांच्या राजकीय पॉवरमुळे यंत्रणांचा वापर करून पुण्यात सुखरुप परतला. तब्बल पाच तास संपूर्ण यंत्रणा तानाजी सावंत यांच्या लेकासाठी काबत होत्या. सर्वसामान्यांना हिडीसतुडूस करणाऱ्या पोलिसांनी सावंतांच्या एका फोनमुळे वाऱ्याच्या वेगाने सूत्रे फिरवली. ऋषिराज सावंत अपहरणनाट्याच्या ४ तासांनंतर म्हणजे रात्री ८ वाजून २० मिनिटांनी पुणे विमानतळावर लँड झाला.