Snake Lover: दोघांनी मिळून दिलं हजारो सापांना जीवनदान, पाहा सर्पमित्र भावांची धाडसी गोष्ट

सोलापूर: सध्या राज्यभर मान्सून सक्रिय झाला आहे. सर्वदूर पाऊस सुरू आहे. पावसाळ्यामध्ये अनेक कीटक आणि सरिसृप प्राण्यांचे अस्तित्व ठळकपणे दिसते. विशेषत: पावसाळ्यामध्ये नागरी वस्तीमध्ये साप दिसण्याचे प्रमाण वाढते. त्यामुळे नागरिकांनी काळजी घेणे गरजेचं आहे. साप हा प्राणी निसर्गातील अन्न साखळी अबाधित ठेवण्याचे काम करतो. त्यामुळे सापाचे अस्तित्व टिकून राहणे गरजेचं आहे. या कामासाठी सर्पमित्र उपयोगी येतात. सोलापूर जिल्ह्यातील मोहोळ येथे दोन भाऊ सर्पमित्र म्हणून प्रसिद्ध आहेत. गेल्या अनेक वर्षांपासून उमेश कांबळे आणि सागर कांबळे हे दोघे भाऊ साप पकडून निसर्गाच्या सानिध्यात सोडत आहेत.