तानाजी सावंतांच्या मुलाची अपहरणाची खरी स्टोरी, पोलिसांचा कसा घाम निघाला? खासगीत म्हणाले...

पोलिसांसोबत घेतलेल्या पत्रकार परिषदेत तानाजी सावंतांनीच परस्परविरोधी भूमिका घेतल्याचे पहायला मिळाले. एकदा ड्रायव्हरने मुलगा विमानतळाहून खाजगी विमानाने बॅकॉकला गेल्याचे सांगितले, असे ते म्हणतात. पुन्हा विमान कुठले हे माहित नाही म्हणतात. त्यामुळे फक्त मुलगा आपल्या इच्छेविरोधात बॅकॉकला चाललाय आणि त्याला जाऊ द्यायचं नाही म्हणून पोलिसांवर दबाव आणून सावंतांनी हा उद्योग केल्याचे पोलिस सूत्रांकडून सांगण्यात येते.

सावंत यांचा मुलगा ऋषीराज सावंत हा दुपारी दुपारी चार वाजताच्या सुमारास घरातून तडकाफडकी बाहेर पडला. स्पेशल चार्टर फ्लाईटने तो बँकॉकला निघाल्याची माहिती पोलिसांना मिळाली. बजाब एव्हिएशनच्या फाल्कन 2000 एलएक्स नावाच्या खासगी विमानाने ऋषीराज सावंत तीन मित्रांसह बँकॉकला जायला निघाले. पुणे पोलिस आयुक्तांनी एअर इंडिया ऑथॉरिटीमार्फत सूत्रे हलवून हवेतूनच विमान मागे फिरवले. चेन्नईला न उतरताच विमान हवेतूनच माघारी फिरले. रात्री आठ वाजून २० मिनिटांनी सावंतांच्या मुलाचे खासगी विमान पुणे विमानतळावर लँड झाले.