Bhiwandi Crime : लिव्ह इन मधील प्रेयसीचे बाहेर प्रेमसंबंध असल्याचा संशय; प्रियकराकडून नात्याचा भयानक शेवट

18 सप्टेंबर रोजी कोनगाव याठिकाणी गणेशनगर येथील एका खोलीतून दुर्गंधी येत असल्याने त्याची माहिती स्थानिक पोलिसांना मिळाल्यानंतर सदर ठिकाणी एका महिलेची धारदार हत्याराने हत्या झाल्याचे उघड झाले होते. महिलेच्या मैत्रिणीने दिलेल्या तक्रारीवरून हत्येचा गुन्हा नोंदवून पोलीस उपायुक्त नवनाथ ढवळे, कोनगाव पोलीस ठाण्याचे वरिष्ठ पोलीस निरीक्षक राजेंद्र पवार यांच्या मार्गदर्शनाखाली मयत मधू प्रजापती हिच्या मैत्रिणीकडे केलेल्या चौकशीत मधू हीचा मित्र शब्बीर दिलावर शेख यांचे नाव समोर आले. त्याच्या मोबाईलचा तांत्रिक तपास करीत अंबरनाथ येथील कंपनी मधील त्याचे सहकारी यांच्याकडे माहिती घेतली असता तो पश्चिम बंगाल राज्यात पळून गेल्याचे निष्पन्न झाले.