भाजप आणि MIM च्या युतीवर अकोटमधील दोन्ही पक्षाचे अजब दावे, एमआयएमचा यु-टर्न

अकोटमध्ये नगर परिषदेत भाजप आणि एमआयएमची युती झाल्यामुळे सर्वत्र खळबळ उडाली. अखेरीस  अकोटचे  एमआयएमचे नेते युसुफ पुंजानी यांनी या प्रकरणी स्पष्टीकरण देत भाजपवर गंभीर आरोप केले आहे. "अकोटमध्ये भाजप आणि एमआयएमची युती झाली अशी बातमी समोर आली. याबद्दल मला आमचे नेते इम्तियाज जलील यांचा फोन आला होता आणि त्यांनी विचारणा केली कोणत्या सिद्धांतावर ही युती झाली आहे. मी माझ्या नगरसेवकांना फोन केला. तेव्हा नगरसेवकांनी सांगितलं की अकोट येथील आघाडीतील नगरसेवकांनी ‘अकोट विकास मंच’ स्थापन केली आहे. त्या ठिकाणी कुणाकडेही बहुमत नव्हतं. शहराच्या विकासासाठी ठराव घेण्यात आला होता. त्यामुळे नगरविकास आघाडी स्थापन केली, त्यामध्ये सामील झालो. पण त्यांना हे माहिती नव्हतं की, यामध्ये भाजप होती आणि महायुतीचे घटक सुद्धा होते. राष्ट्रवादी तुतारी आणि ठाकरे गटाचे सदस्य सुद्धा होते, अशी माहिती पुंजानी यांनी दिली.

भाजप आणि आमचे विचार हे वेगवेगळे आहे. त्यामुळे आमच्या पक्षाने नगरसेवकांना तातडीने नगरविकास आघाडीतून बाहेर पडण्याचे आदेश दिले आहे. जर युतीतून बाहेर पडले नाहीतर कायदेशीर कारवाई केली जाईल, असा इशारा  ही पुंजानी यांनी आपल्या नगरसेवकांना दिला. या सर्व घडामोडींनंतर एमआयएम या युतीतून बाहेर पडल्याचं युसुफ पुंजाजी यांनी स्पष्ट केलं आहे.

तसंच, भाजपची विचारधारा मान्य करून एमआयएम पक्षाला सोडचिठ्ठी देत भाजपासोबत येणाऱ्या उमेदवारांशीच युती कायम ठेवली जाईल, असंही सावरकर यांनी स्पष्ट केलं आहे.

दरम्यान, या घडामोडींमुळे अकोट नगरपरिषदेतील सत्तास्थापनेचा पेच अधिकच वाढला असून, राजकीय वातावरण तापलं आहे.