1500 रुपयांसाठी लाखमोलाचा जीव धोक्यात, OTP साठी लाडक्या बहि‍णींना चढावा लागतो डोंगर, हृदयद्रावक कहाणी

नंदुरबार, प्रतिनिधी निलेश पवार: राज्य शासनाच्या महत्त्वाकांक्षी मुख्यमंत्री माझी लाडकी बहीण योजनेचा लाभ मिळवण्यासाठी नंदुरबार जिल्ह्यातील महिलांना अक्षरशः डोंगरांवर चढून जावं लागत आहे. परिस्थिती इतकी वाईट आहे की अनेक ठिकाणी रेंजच येत नाही किंवा कमी रेंज असेल तर तिथे केवायसी होत नाही. धडगाव तालुक्यातील खर्डी खुर्द या गावासह नर्मदा नदीच्या काठावरील अनेक गावांमध्ये मोबाईल नेटवर्कची रेंज नसल्यामुळे, ओटीपी मिळवण्यासाठी महिलांना उंच टेकड्यांवर आणि डोंगरांवर जावं लागत आहे. त्यांना लाडक्या बहिणीचे पैसे मिळवण्यासाठी कसरत करावी लागत आहे.