Youtube वरून सुचली कल्पना, प्रज्ञा यांनी सुरू अनोखा व्यवसाय, आता महिन्याला 70 हजार कमाई

प्रज्ञा या एक डेंटिस्ट आहेत. पुण्याला त्यांचे क्लिनिक चालवत असताना त्यांना सोशल मीडियाच्या माध्यमातून फूट आणि हॅन्ड कास्टिंग बनवण्याची आवड निर्माण झाली. सुरुवातीला यूट्यूबवरून बघून बघून त्यांनी हे सर्व गोष्टी बनवण्यास सुरुवात केली. यात आवड तर होती परंतु पुरेसे असे ज्ञान नसल्याने त्यांचे प्रयत्न हे अपयशी ठरत होते.

परंतु यात आपल्याला आवड ही निर्माण झाली आहे याकरता आपण याचे क्लासेस करून असा विचार करून त्यांनी एक सर्टिफाइड क्लास देखील केला. क्लास करत असताना बनविलेले त्यांचे हे साचे आणि त्यापासून तयार झालेली कलाकृती यांचे प्रदर्शन प्रज्ञा यांनी भरवण्यास सुरुवात केली.

सोशल मीडियावरून आलेली कल्पना सोशल मीडियावरून पसरविण्यास त्यांनी सुरुवात केली. मूळच्या नाशिक येथे राहणाऱ्या असल्याने त्यांनी नाशिकमध्ये या प्रकारच्या कुठल्याही गोष्टी नसल्याने नाशिकमध्ये याचा आपण व्यवसाय सुरू करू असा विचार केला. सुरुवातीला प्रज्ञा यांनी सोशल मीडियाच्या माध्यमातून बनविलेल्या गोष्टी नाशिककरांपर्यंत पोहोचविल्या. नाशिककरांनी देखील त्यांना चांगला प्रतिसाद दिल्याचे त्या सांगत असतात.

आजवर प्रज्ञा यांनी जवळपास 1 हजारावरून जास्त असे लोकांचे हॅप्पी मोमेंट स्टॅच्यू तसेच नवीन जन्माला आलेल्या बाळांचे हाताच्या कलाकृती बनवून दिलेल्या आहेत. तसेच 500 हून ही अधिक असे पाळीव प्राण्यांचे देखील पायांच्या आठवणींचे ठसे त्यांच्या जिवलगण बनवून दिल्या आहेत. अशा काहीतरी नवीन व्यवसायाची सुरुवात करून त्यांनी इतर महिलांसाठी प्रेरणादायी कार्य केले आहे. आवड असली तर आपण कसल्याही गोष्टीत यश प्राप्त करू शकतो याचे उत्तम असे उदाहरण देखील त्यांनी समाजासमोर दिले आहे.