Dahi Handi : हंडी कोण फोडणार? भिवंडीत दोन गोविंदा पथकांचा वाद संपेना, शेवटी आयोजकांनी पोलिसांना...

बक्षीसाची रक्कम विभागून दिली पण हंडीचे काय करायचे असा प्रश्न होता. शेवटी आयोजकांनी हंडी फोडण्याचा मान दहीहंडीच्या दिवशी संपूर्ण दिवसभर शहरात बंदोबस्तावर असणाऱ्या पोलिसांना दिला. विशेष म्हणजे पोलिसांनीसुद्धा मोठ्या जल्लोषात ही हंडी फोडण्यासाठी मनोरा उभा केला. हंडी फोडण्याचा मान भिवंडी शहर पोलीस ठाण्यातील असलम शेख या मुस्लिम पोलीस बांधवांस दिला. त्यामुळे भिवंडी शहरात ही दहीहंडी चर्चेचा विषय ठरली आहे. आयोजकांकडून तसेच त्या ठिकाणी उपस्थित असलेल्या काही हितचिंतकांकडून पोलीस पथकाला रोख चाळीस हजार रुपयांचे पारितोषिक सुद्धा देण्यात आले आहे. त्यानंतर दिवसभर बंदोबस्त करून थकलेल्या पोलिसांनीसुध्दा डिजे च्या तालावर ठेका धरला.