साडे चार वर्षात Diabetesवर मात, औषधांपासून झालो मुक्त; अमित शहांनी सांगितल्या आयुष्य बदलवणाऱ्या तीन गोष्टी

जागतिक यकृत दिनानिमित्त इन्स्टिट्यूट ऑफ लिव्हर अँड बिलिअरी सायन्सेस (ILBS) येथील एका कार्यक्रमात बोलताना, केंद्रीय मंत्र्यांनी तरुणांना चांगल्या आरोग्यासाठी दोन तास शारीरिक व्यायाम आणि सहा तास झोप घेण्याचा सल्ला दिला.

आपल्या फिटनेस प्रवासाची आठवण करून देताना शहा म्हणाले की- केवळ आहार बदलणे, झोपेचे तास वाढवणे आणि दररोज व्यायाम करणे, यातून त्यांनी हे साध्य केले. मे 2019 पासून आतापर्यंत मी खूप मोठा बदल घडवून आणला आहे. योग्य झोप, शुद्ध पाणी, आहार आणि व्यायाम, यातून मी जीवनात खूप काही साध्य केले आहे. गेल्या 4.5 वर्षांत मी सर्व ॲलोपॅथिक औषधांपासून मुक्त झालो आहे, असे ते कार्यक्रमात बोलताना म्हणाले.